საერთაშორისო კონფერენცია “ადრეული ინტერვენცია ბავშვთა შეზღუდული შესაძლებლობების პრევენციისათვის”

2017 წლის 1-2 დეკემბერს თბილისში ჩატარდა საერთაშორისო კონფერენცია “ადრეული ინტერვენცია ბავშვთა შეზღუდული შესაძლებლობების პრევენციისათვის”.

კონფერენციის ორგანიზატორები იყვნენ ჩვენი ასოციაცია, მ. იაშვილის ბცს და ფონდი -ღია საზოგადოება საქართველო.

კონფერენცია ორ ნაწილად ჩატარდა: პირველ ნაწილში

კონფერენციამ განიხილა ადრეული ინტერვენციის როლი ბავშვთა შეზღუდული შესაძლებლობის თავიდან აცილებაში, ასევე საქართველოში ადრეული ინტერვენციის სისტემის განვითარების გზა, მისი წარმატებები და სიძნელეები. დაისახა სისტემის სრულყოფის და ხელმისაწვდომობის გაუმჯობესების გზები.

კონფერენციის მეორე, სამეცნიერო-პრაქტიკული ნაწილი მიეძღვნა ბავშვთა შეზღუდული შესაძლებლობების გამომწვევი მდგომარეობების დიაგნოსტიკის და მართვის თანამედროვე საკითხებს. განხილულ იქნა ისეთი მდგომარეობები როგორიცაა ცერებრული დამბლა, აუტიზმი, ტურეტის სინდრომი, პედიატრიული ინსულტი, მძიმე ეპილეფსიები და სხვა.

კონფერენციაში მონაწილეობა მიიღო სხვადასხვა დარგის 126 მონაწილემ სომხეთიდან, აზერბაიჯანიდან და საქართველოდან- ნევროლოგებმა, ფსიქიატრებმა, ფსიქოლოგებმა, ორთოპედებმა, მეტყველების და ქცევის თერაპევტებმა, ფიზიკური და ოკუპაციური თერაპიის წარმომადგენლებმა, მშობელთა ორგანიზაციებმა.

კონფერენციის ფორმატი ითვალისწინებდა არა მარტო ლექციებს, არამედ ვორქშოფებს და დისკუსიებს. დეტალური პროგრამა იხილეთ აქ

კონფერენციის სპიკერებს წარმოადგენდნენ ბავშვთა შეზღუდული შესაძლებლობის ევროპული აკადემიის თავმჯდომარე პროფ. ჯ. კიონი, იტალია, გენერალური მდივანია.სიილი, დიდი ბრიტანეთი, ხაზინადარი ჯ. კეროლი, დიდი ბრიტანეთი, პროფ. ბ. დანი, ბელგია. ასევე ამერიკის ვაშინგტონის უნივერსტეტის პროფ. ე. ვარგას-ბარონი, ფონდი ღია საზოგადოების ლონდონის ოფისის წარმომადგენელი დ. სრეტენოვა. კავკასიის რეგიონს წარმოადგენდნენ პროფ. გ. კოლოიანი, სომხეთი, ლ. მოვსესიანი, სომხეთი, კ. სალაიევი და რ. იბადოვა აზერბაიჯანი, პროფ. თ.გაგოშიძე და პროფ. ნ.ტატისვილი საქართველო

კონფერენციამ წარმატებულად ჩაიარა, მონაწილეებმა მას მაღალი შეფასება მისცეს.