2011 წლის 19 ნოემბერს სასტუმროში „მერიოტი-თბილისი“  შედგა შეხვედრა აუტისტური სპექტრის აშლილობების მქონე მშობლებთან. მათ წარედგინათ პროექტის მიზნები და ამოცანები, აუტიზმის მქონე პირთა ადვოკატირების განხორციელების გეგმა. შედგა და ხელი მოეწერა მემორანდუმს, რომელიც გაეგზავნება საქართველოს შრომის, ჯანმრთელობისა და სოციალური დაცვის მინისტრს ბატონ ანდრია ურუშაძეს, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარეს ბატონ ოთარ თოიძეს, საქართველოს განათლებისა და მეცნიერების მინისტრს ბატონ დიმიტრი შაშკინს, სააქართველოს პარლამენტის განათლებისა და მეცნიერების კომიტეტის თავმჯდომარეს ბატონ გოკა გაბაშვილს.