ეპილეფსიის საერთაშორისო დღე
13 თებერვალი ეპილეფსიის საერთაშორისო დღეა, რომელსაც საქართველოც შეუერთდა.
ამ დღის აღსანიშნავად საქართველოს ბავშვთა ნევროლოგთა და ნეიროქირურგთა ახალგაზრდული ასოციაციის ინიციატივით ჩატარდა შეხვედრა, რომელსაც ესწრებოდნენ ეპიელფსიის დარგში მოღვაწე ექსპერტები, პაციენტთა და მშობელთა ორგანიზაციები, ჯანდაცვის სამინისტროს წარმომადგენლები.
შეხვედრის მხარდამჭერი ორგანიზაციები იყვნენ ა. ლაჭყეპიანის სახ. საქართველოს ბავშვთა ნევროლოგთა და ნეიროქირგთა ასოციაცია, საქართველოს ეპილეფსიასთან ბრძოლის ლიგა, დავით ტვილდიანის სამედიცინო უნივერსიტეტი და ორგანიზაცია “ეპილეფსია და გარემო”.
შეხვედრაზე განხილულ იქნა ეპილეფსიის მართვაში არსებული სხვადასხვა პრობლემური საკითხი და მათი გადაჭრის გზები საქართველოში.
ასევე, დ. ტვილდიანის უნივერსიტეტის სტუდენტებმა და რეზიდენტებმა თბილისის ხალხმრავალ ადგილებში დაარიგეს საინფორმაციო ბუკლეტები ეპილეფსიის მითების, რეალობისა და გულყრის პირველადი დახმარების შესახებ.
