ტრენინგი „Leap CP“ მოდელის შეფასებისა და რეაბილიტაციის ახალი მიდგომების შესახებ
ევროკავშირის პროექტი “Horizon 2020 BornTogetThere” ემსახურება ადრეული დიაგნოსტიკის და ინტერვენციის სერვისების დანერგვას და მიწოდებას ცერებრული დამბლის რისკის მქონე ახალშობილებში. ამ პროექტის ფარგლებში ხდება შეზღუდული შესაძლებლობის მქონე ბავშვების და მათი ოჯახების მხარდაჭერა და შეფასების და რეაბილიტაციის პროცესში ჩართულობის ხელშეწყობა.
2022 წლის 7-23 ნოემბერს საქართველოს და შრი-ლანკის კლინიკურ ტრენერებს ავსტრალიაში, ქუინსლენდის ცერებრული დამბლის კვლევით და სარეაბილიტაციო ცენტრში წარმატებით ჩაუტრადათ ტრენინგი „Leap CP“ მოდელის შეფასებისა და რეაბილიტაციის ახალი მიდგომების შესახებ. საქართველოდან მონაწილეობას იღებდნენ დ. ტვილდიანის სახ. სამედიცინო უნივერსტეტის ასოცირებული პროფესორი – სოფო ტატიშვილი, ნეიროგანვითარების ცენტრის ადრეული ჩარევის სპეციალისტი, სუპერვიზორი – ნინო ბერუაშვილი და იაშვილის კლინიკის ბავშვთა ნევროლოგი – ანა ბედოშვილი.
ამ ტრენინგის ფარლებში შეისწავლეს მხედველობის შეფასების ინსტრუმენტის (RICCI), ბავშვის ზოგად მოძრაობებზე ვიდეო დაკვირვების (GMA) და ჰამერსმიტის ნევროლოგიური შეფასების (HINE) გამოყენება, განხილულ იქნა კლინიკური შემთხვევები და მიზანზე ორიენტირებული მიდგომები რეაბილიტაციის პროცესში.
მომზადებულ ტრენერებს დაევალათ საკუთარ ქვეყანაში ამ ცოდნის და გამოცდილების დანერგვა და გავრცელება, პროფესიონალების და შეზღუდული შესაძლებლობის მქონე ბავშვების და მათი ოჯახების გაძლიერების და მხარდაჭერის მიზნით.
დიდი მადლობა ამ შესანიშნავი შესაძლებლობისთვის.
სოფო ტატიშვილი
