ტრეინინგი „ცერებრული დამბლის ადრეული დიაგნოსტიკა“

ევროკავშირის  „ჰორიზონ 2020“ საგრანტო კონკურსში გამარჯვებული საერთაშორისო პროექტის  „Borntogether” ფარგლებში თბილისის დავით ტვილდიანის სამედიცინო უნივერტეტის და ჩვენი ასოციაციის მონაწილეობით 2021 წლის  10-13 თებერვალს ჩატარდა ცერებრული დამბლის ადრეული დიაგნოსტირების პირველი ტრეინინგი.

ტრეინინგს ატარებდა იტალიის ქალაქ პიზას უნივერსიტეტის პროფესორი ანდრეა გუზეტა

მასში  მონაწილეობას იღებდა საქართველოს 7 დიდი რეგიონის, 8 სხვადასხვა სპეციალობის  25 სპეციალისტი. კერძოდ, პედიატრი, ნეონატოლოგი, ბავშვთა ნევროლოგი, ფიზიკური, ოკუპაციური და მეტყველების თერაპევტი, სოციალური მუშაკი, ფსიქოლოგი, პედაგოგი

 ტრეინინგის ძირითადი მიზანი იყო ცერებრული დამბლის ადრეული ამოცნობის ხელშეწყობა. დღეისათვის  სამეცნიერო მტკიცებულებებზე დაფუძნებული მონაცემები ადასტურებენ, რომ შესაძლებელია ცერებრული დამბლის ამოცნობა 6 თვემდე ასაკში. ამისათვის საჭიროა სამი სხვადასხვა მეთოდის გამოყენება.  

ეს მეთოდებია:
1. ნევროლოგიური გასინჯვა
2. ბავშვის მოძრაობაზე ვიდეო დაკვირვება/ General movements
3. მაგნიტურ- რეზონანსული ტომოგრფია.

ტრეინინგის ფარგლებში სპეციალისტებმა შეისწავლეს ეს მეთოდები.

ცერებრული დამბლის ადრეულ დიაგნოსტიკას უდიდესი მნიშვნელობა აქვს, ვინაიდან ამ ასაკში თავის ტვინის პლასტიურობა ყველაზე დიდია, დროულად დაწყებული ინტერვენცია მკვეთრად აუმჯობესებს ნეიროგანვითარებით გამოსავალს