ტრეინინგები ყვარელში, თბილისსა და ქუთაისში

ა.ლაჭყეპიანის სახ. საქართველოს ბავშვთა ნევროლოგთა და ნეიროქირურგთა ასოციაცია აქტიურად მუშაობს ბავშვთა განვითარების პრობლემებზე, მათი ადრეულ ასაკში ამოცნობისა და შემდგომ ადექვატური დახმარების გაწევის, შესაბამის სერვისების მიწოდების საკითხებზე.

ასოციაცია თანამშრომლობს ორგანიზაციებთან, რომლებიც მუშაობენ ბავშვთა განვითარების ხელშეწყობის მიმართულებით, ვფიქრობთ რომ განსაკუთრებით მნიშვნელოვანია რეგიონებში ადგილობრივი რესურსების გაძლიერება.

World Vision International-ის საქართველოს წარმომადგენლობასთან თანამშრომლობის ფარგლებში ჩატარდა ტრეინინგები : “ბავშვთა განვითარების შეფასების ინსტრუმენტის – ასაკისა და ეტაპების სკრინინგ კითხვარის ( ASQ-3 ; ASQ- SE; ) გამოყენების სწავლება”.

ტრეინინგები ჩატარდა ყვარელში, თბილისსა და ქუთაისში, რომელსაც ესწრებოდნენ, კახეთის, სამცხე-ჯავახეთისა და იმერეთის რეგიონის წარმომადგენლები.

ტრეინინგს უძღვებოდნენ სბნნ ასოციაციის პრეზიდენტი ნანა ტატიშვილი და ასოციაციის გენერალური მდივანი თამარ ყიფიანი.