სეზონური სამეცნიერო სკოლა “ნეიროგანვითარებითი დარღვევები – მტკიცებულებები და შესაძლებლობები”

ბავშვის ადრეული განვითარების და ნეიროგანვითარებითი დარღვევების ადრეული ამოცნობისა და თანამედროვე მართვის მნიშვნელობის შესახებ ინფორმირების ამაღლების, სპეციალისტთა ინტერესის გაუმჯობესების, ახალ სპეციალისტთა მოზიდვის და ამ მიმართულების სწავლებისა და კვლევების წახალისების მიზნით 2016 წლის 2-7 ოქტომბერს ბათუმის შოთა რუსთაველის სახელმწიფო უნივერსიტეტში ჩატარდა სეზონური სამეცნიერო სკოლა „ნეიროგანვითარებითი დარღვევები – მტკიცებულებები და შესაძლებლობები“.

განმხორციელებელი ორგანიზაციები: ბავშვთა ასაკის შეზღუდულ შესაძლებლობათა საქართველოს აკადემია და შოთა რუსთაველის სახელობის ბათუმის უნივერსიტეტი;

ტექნიკური მხარდამჭერი: რუსთაველის ეროვნული სამეცნიერო ფონდი და ფონდი ღია საზოგადოება საქართველო.

ხელმძღვანელი: მაია გაბუნია, მედიცინის დოქტორი, ასისტენტ-პროფესორი, ბავშვთა ასაკის შეზღუდულ შესაძლებლობათა აკადემიის თავმჯდომარე.

მონაწილეები: ნინო (ნანა) ტატიშვილი, სრული პროფესორი, საქართველოს ბავშვთა ნევროლოგთა და ნეიროქირურგთა ასოციაციის პრეზიდენტი; ქეთევან ბერიძე, ასოცირებული პროფესორი, ბათუმის შოთა რუსთაველის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის დეკანი; ჰოლი ჰიქს-სმოლი, პროფესორი, ორეგონის უნივერსიტეტი, აშშ; ტობი ლონგი, პროფესორი, ჯორჯ-თაუნის უნივერსიტეტი, აშშ; ჟოაო კანოზა დიასი, ენისა და მეტყველების თერაპიის მაგისტრი, პორტუგალია.

სტუდენტები: თბილისის, თელავის, ქუთაისის და ბათუმის უნივერსიტეტების მაგისტრანტები, მაგისტრატურისა და ბაკალავრიატის სტუდენტები.

სკოლა მოიცავდა 34 სამუშაო საათს და შემდეგ თემებს:

• ნეიროგანვითარებითი დარღვევები – ადრეული იდენტიფიკაციისა და მართვის თანამედროვე მიდგომები;
• ბავშვთა ადრეული ინტერვენცია – საერთაშორისო კონცეპცია, ეროვნული ინიციატივა და პრაქტიკა;
• ენისა და მეტყველების დარღვევების (სამეტყველო ბგერათა დარღვევის) ადრეული ინტერვენცია.

სკოლის სოციალური პროგრამის ფარგლებში მონაწილეებმა და მსმენელებმა 4 ოქტომბერს მოინახულეს გონიოს ციხე, ხოლო 6 ოქტომბერს გაიმართა გალა-ვახშამი.

ყველა მონაწილეს გადაეცა სერტიფიკატი. მომავალი წლისთვის სკოლის ჩატარება დაიგეგმა იაკობ გოგებაშვილის სახელობის თელავის სახელმწიფო უნივერსიტეტში.

ყველა მონაწილესა და სტუდენტს ვუსურვებთ წარმატებებს!