სბნნა – GACNN

2015 დეკემბერი – 2016 დეკემბერი – ამ პერიოდში ფონდ “ღია საზოგადოება საქართველოსა” და ფონდის ლონდონის ოფისის ხელშეწყობით ასოციაციის მიერ განხორციელდა პროექტი “ბავშვთა ადრეული ინტერვენციის მომსახურეობის ხელშეწყობა “ბავშვის ნეიროგანვითარებაზე მეთვალყურეობა და სკრინინგი” – პროტოკოლის ადვოკატირება”.

შესრულდა პროექტის ფარგლებში დაგეგმილი აქტივობები:

1. წლის განმავლობაში ჩატარდა 5 ტრეინინგი ჯანდაცვის პირველადი რგოლის ექიმებისთვის (ოჯახის ექიმი, პედიატრი, ბავშვთა ნევროლოგი): ტრეინიგები ჩატარდა თბილისსა და რეგიონებში(თბილისი,მცხეთა-თიანეთი; კახეთი; აჭარა)

სულ მონაწილეობა მიიღო 154 ექიმმა.

ტრეინინგის მონაწილეებს გავაცანით ბავშვის განვითარების ეტაპებისა და საფეხურების შეფასების სკრინინგ-კითხვარი (ASQ-3; ASQ SE;) ეს გახლავთ ხანმოკლე, მარტივი შესასრულებელი, ამავდროულად კარგად აპრობირებული, სარწმუნო და ინფორმატიული ინსტრუმენტი. კითხვარი მოიცავს სკოლამდელი პერიოდის ასაკს ( 2თვიდან 5-1/2 წლამდე ) ხდება განვითარების ყველა სფეროს შეფასება

ტრეინინგის ფარგლებში განვიხილეთ:

• კითხვარის პრაქტიკული გამოყენება, ბავშვის განვითარების შეფასება,შედეგის ანალიზი;
• მშობლებთან ურთიერთობა, მათი ჩართულობა ბავშვის განვითარების პერიოდში;
• შეფასების შედეგად ნორმის, პათოლოგიისა და რისკის ჯგუფის ბავშვების აღმოჩენა;
• ადექვატური რეკომენდაციები;
• განმეორებითი სკრინინგი, მონიტორინგი და საჭიროების შემთხვევაში რეფერალი ადრეულ ინტერვენციის პროგრამაში.

ტრეინინგის მონაწილეებს დაურიგდათ:

• ASQ 3; ASQ SE კითხვარის სრული პაკეტი;
• სახელმძღვანელო- ბავშვის განვითარების ხელშეწყობა; (ელექტრონული ვერსია და ნაბეჭდი მასალა).

2. პროექტის ფარგლებში დასრულდა მუშაობა პროტოკოლზე – “ბავშვის ნეიროგანვითარების მეთვალყურეობა და სკრინინგული შეფასება” – (ASQ -3 ; ASQ SE). საბოლოო შეთანხმებული ვერსია წარდგენილია ჯანდაცვის სამინისტროს შესაბამის დეპარტამენტში, დამტკიცებულია სახელმწიფო პროტოკოლის სახით.