საერთაშორისო სამედიცინო კონფერენცია

2015 წლის 14-15 დეკემბერს ჩატარდა საერთაშორისო სამედიცინო კონფერენცია ქ. რომის “Bambino Gesu” პედიატრიული ცენტრის, ნეირომეცნიერების დეპარტამენტის ხელმძღვანელ, ევროპაში პედიატრიული ეპილეფსიის აღიარებული ექსპერტის პროფ. ფედერიკო ვიჯევანოსა და ეპილეფსიის პროგრამის ხელმძღვანელ ნიკოლა სპეკიოს მონაწილეობით. გაიმართა ლექციები ქართველი კოლეგებისთვის თემაზე: „ჩვილობის ფოკალური ეპილეფსიები და მათი მართვა“ – ნ. სპეკიო; „ეპილეფსიური ენცეფალოპათიები“- ფ. ვიჯევანო.

2 დღე დაეთმო 20-მდე საინტერესო და რთული პაციენტების შემთხვევების შეფასებას და განხილვას. ასევე მათი კეთილი ნებით, რამოდენიმე პაციენტს ჩაუტარდა უფასო დიაგნოსტიკა გენეტიკური და მეტაბოლური კვლევების სახით მათ კლინიკაში.