ა. ლაჭყეპიანის სახ. ბავშვთა ნევროლოგთა და ნეიროქირურგთა ასოციაციის მიერ 2014-2015 წლებში ფონდ ღია საზოგადოების მხარდაჭერით განხორციელდა პროექტი “სკოლამდელი განათლების ხელშეწყობა”, რომელიც გულისხმობდა საბავშვო ბაღებში განვითარების პრობლემების მქონე ბავშვების ადრეულ ამოცნობასა და მათზე ზრუნვას. პროექტის ფარგლებში მოხდა საბავშვო ბაღების პერსონალის ცნობადობის ამაღლება ბავშვის განვითარების, შეფასებისა და ზრუნვის შესახებ. საბოლოოდ გადამზადდა 279 საბავშვო ბაღის თანამშრომელი (ექთნები და მასწავლებლები) საქართველოს სხვადასხვა რეგიონში.

გამოყენებითი ქცევითი ანალიზის თერაპიის საბაზისო კურსი გაიარა და გადამზადდა 24 თერაპევტი. პროექტის მეშვეობით სპეციალური კურსები გაიარა ენისა და მეტყველების სამმა თერაპევტმა.