2015 წლის 28-29 ივლისს ა. ლაჭყეპიანის სახ. ბავშვთა ნევროლოგთა და ნეიროქირურგთა ასოციაციის მოწვევით თბილისს ეწვია გერმანიის ქ. ფრაიბურგის საუნივერსიტეტო კლინიკის ბავშვთა ნევროლოგიისა და ნერვ-კუნთოვან დაავადებათა დეპარტამენტის დირექტორი, პროფ. რ. კორინტენბერგი და ქ. კილის საუნივერსიტეტო კლინიკის ბავშვთა ნევროლოგიური დეპარტამენტის დირექტორი, პროფ. უ. შტეფანი.

ჩატარდა საერთაშორისო კონფერენცია სახელწოდებით „ბავშვთა ნევროლოგიის მნიშვნელოვანი საკითხები“ შემდგომ თემებზე: „გენეტიკის როლი ეპილეფსიის დიაგნოსტიკასა და მართვაში“-პროფ.უ.შტეფანი; „რეზისტენტული ეპილეფსიის გამოსავალი ბავშვთა ასაკში“-პროფ.ნ.ტატიშვილი; „პედიატრიული ეპილეფსიის პრექირურგიული შეფასების ჩვენებები-პროფ.უ.შტეფანი“; „პედიატრიული ინსულტი“-პროფ.რ.კორინტენბერგი“; „ ჩვილობის ეპილეფსიების მართვა“-პროფ.რ.კორინტენბერგი „ნერვული სისტემის დაავადებების ოფთალმოლოგიური გამოვლინებები“- პროფ.რ. კორინტენბერგი; „ნერვ-კუნთოვანი დაავადებების ახალი და ექსპერიმენტული მკურნალობები“- პროფ.რ.კორინტენბერგი „როგორ შევაფასოთ სამედიცინო კვლევებისა და პუბლიკაციების ხარისხი“-პროფ.უ.შტეფანი.

კონფერენციას ესწრებოდნენ ა. ლაჭყეპიანის სახ. ბავშვთა ნევროლოგთა და ნეიროქირურგთა ასოციაციის ექიმები თბილისიდან და რეგიონებიდან.

ლექციების ციკლის გარდა ჩატარდა წინასწარ მომზადებული საინტერესო და რთული შემთხვევების გარჩევა და 30-მდე პაციენტის უსასყიდლო გასინჯვა.