ინფანტილური სპაზმების კვირეული
4 დეკემბერს სასტუმრო “რედისონში”, საქართველოს ბავშვთა ნევროლოგთა და ნეიროქირურგთა ახალგაზრდული ასოციაციის მიერ, ა.ლაჭყეპიანის სახელობის საქართველოს ბავშვთა ნევროლოგთა და ნეიროქირურგთა ასოციაციისა და დავით ტვილდიანის სამედიცინო უნივერსიტეტის მხარდაჭერით, ჩატარდა კონფერენცია თემაზე – “ერთად ჩვენ შეგვიძლია შევაჩეროთ ინფანტილური ეპილეფსიური სპაზმები!”. კონფერენციას ესწრებოდნენ პედიატრები, ბავშვთა ნევროლოგები და ნევროლოგები.
- კონფერენციის მიზანი იყო პედიატრიული რგოლის ინფორმირება ინფანტილური ეპილეფსიური სპაზმების სინდრომის შესახებ.
- ამ სინდრომის დროული დიაგნოსტიკა ძალიან მნიშვნელოვანია, ვინაიდან ადრეული ამოცნობა და მკურნალობა მკვეთრად აუმჯობესებს პაციენტთა ნეიროგანვითარებით გამოსავალს.
- მომხსენებლებმა ისაუბრეს სინდრომის კლინიკური ნიშნების, ელექტროენცეფალოგრაფიული მახასიათებლებისა და გამოსავლის შესახებ.
- წარმოდგენილი იყო ინფანტილური ეპილეფსიური სპაზმების დიაგნოსტიკისა და მართვის განახლებული ნაციონალური პროტოკოლი.
