ცერებრული დამბლის ადრეული დიაგნოსტიკა

დავით ტვილდიანის უნივერსიტეტმა მოიგო ევროკავშირის 4 წლიანი კვლევითი პროექტი, რომელიც სწავლობს ცერებრული დამბლის ადრეული დიაგნოსტიკის და მართვის გავლენას ნეიროგანვითარებით გამოსავალზე. პროექტში მონაწილეობს 6 ევროპული ქვეყანა, როგორც მაღალი, ასევე საშუალო და დაბალი შემოსავლის და ასევე ავსტრალია.

ცერებრული დამბლა ბავშვთა ასაკში მოძრაობის შემზღუდველი ყველაზე ხშირი ნეიროგანვითარებითი აშლილობაა, რომელიც განპირობებულია თავის ტვინის დაზიანებით.

ამ საერთაშორისო კვლევის მიზანს წარმოადგენს დღეს არსებული სამეცნიერო მიღწევების კლინიკაში დანერგვა, რაც ხელს შეუწყობს ცერებრული დამბლის ადრეულ დიაგნოსტიკას, სწორ მეთვალყურეობას და ადრეულ ინტერვენციას. ყოველივე ეს კი გააუმჯობესებს ამ ბავშვების ნეიროგანვითარებით გამოსავალს და შესაბამისად უზრუნველყოფს ოჯახის დროულ მხარდაჭერას.

ნანა ტატიშვილი, პროფესორი, ბავშვთა ნევროლოგი